وزیراعظم عمران خان کی معاون خصوصی برائے اطلاعات فردوس عاشق اعوان نے یوٹیلٹی اسٹورز پر چینی کی قیمت سے متعلق وضاحت کردی۔
فردوس اعوان نے سماجی رابطے کی ویب سائٹ پر جاری بیان میں کہا کہ یوٹیلٹی اسٹورز پر چینی 70 روپے میں نہیں 68 روپے کلو ہی ملے گی۔
انہوں نے کہا کہ یوٹیلٹی اسٹورز پر چینی 68 روپے فی کلو فروخت کرنے کی ہدایت کی گئی ہے۔
گزشتہ روز وفاقی کابینہ کےا جلاس کے بعد میڈیا بریفنگ میں فردوس اعوان نے یوٹیلٹی اسٹورز پر چینی کا نرخ 70 روپے کلو بتایا تھا۔
مشیر خزانہ عبدالحفیظ شیخ نے قومی اسمبلی سے خطاب میں یوٹیلٹی اسٹورز پر چینی کی فی کلو قیمت 68 روپے بتائی تھی۔
حکومتی سطح پر چینی کی دو الگ الگ قیمتیں سامنے آنے پر صارفین پریشان ہوگئے تھے۔