لاہور قلندرز کے کھلاڑی اور ٹیم مینجمنٹ پرعزم ہیں کہ پی ایس ایل فائیو میں لاہور قلندرز مختلف نتائج دے گی اور اپنے فینز کو مایوس نہیں کرے گی۔
لاہور قلندرز کے کھلاڑیوں نے قذافی اسٹیڈیم میں ٹریننگ سیشن سے پہلے میڈیا ڈے سیشن میں حصہ لیا۔
ہیڈ کوچ عاقب جاوید نے کہا کہ پی ایس ایل میں لاہور قلندرز اپنی سابقہ پوزیشن سے ہٹی تو سب سے اوپر جائے گی۔
مینجر ثمین رانا نے کہا کہ ان کی کوشش ہمیشہ جیت رہی ہے۔
کپتان سہیل اختر نے کہا کہ سینئرز کی موجودگی کا ان پر دباؤ نہیں۔
محمدحفیظ، حارث رؤف اور فخرزمان نے کہا کہ پی ایس ایل کے لیے بڑی محنت کی ہے توقعات پر پورا اتریں گے۔
ٹیم میں شامل غیر ملکی کھلاڑیوں کا کہنا تھا کہ لاہور آکر اچھا لگ رہا ہے ،یہ ایک خوبصورت شہر ہے، یہاں سیکیورٹی کا مسئلہ نہیں۔
اسکواڈ میں شامل نوجوان کھلاڑی کہتے ہیں کہ لاہور قلندرز نے ان پر بہت اعتماد کیا ہے، وہ ایونٹ میں اچھا پرفارم کریں گے۔