وزیراعظم کی معاون خصوصی اطلاعات ونشریات فردوس عاشق اعوان نے کہا ہے کہ وزیر اعظم کیلئے پاکستان کے عوام کی صحت پہلی ترجیح ہے۔
معاون خصوصی کا کہنا تھا کہ شعبہ صحت کی ترقی ماضی کےحکمرانوں کی ترجیحات میں نہیں تھی، صرف ناموں کی تختیاں لگائی گئیں، حقائق بیان کرنے پر اپوزیشن سیخ پا ہوجاتی ہے۔
انہوں نے کہا کہ صحت کے بجٹ میں اضافہ ہماری مخلصانہ کاوشوں کا آئینہ دار ہے، شعبہ صحت کی ترقی کیلئے اقدامات حقیقی قومی خدمت ہیں۔
یہ بھی پڑھیے: جزوی لاک ڈاؤن کا آپشن صوبوں پر چھوڑ ا ہے، فردوس عاشق
فردوس عاشق کا کہنا تھا کہ کورونا کے چیلنج سے نبردآزما ہونے کیلئے تمام تر وسائل بروئےکار لا رہے ہیں، قومی کوششوں کو تقویت دیتے ہوئے اس پر قابو پائیں گے۔