پیپلز پارٹی وسطی پنجاب کے صدر قمر زمان کائرہ نے کہا ہے کہ احسان اللّٰہ احسان کی بلاول بھٹو کو دی جانے والی قتل کی دھمکی پر حکومت جواب دے۔
لاہور میں پریس کانفرنس کے دوران قمر زمان کائرہ نےکہا کہ احسان اللّٰہ احسان کو کس نے باہر جانے دیا؟ ہم دھمکیوں سے ڈرنے والے نہیں ہیں۔
انہوں نے کہا کہ قومی مسائل پر جلد آل پارٹیز کانفرنس (اے پی سی) بلانا چاہتے ہیں، تبدیلی قومی اسمبلی کے اندر سے لائی جائے گی۔
پی پی وسطی پنجاب کے صدر نے مزید کہا کہ ہم سنجیدگی سے جلد اے پی سی بلانا چاہتےہیں لیکن شہباز شریف کی طبیعت آڑے آرہی ہے۔
ان کا کہنا تھا کہ بلاول بھٹو نے اسپیکر قومی اسمبلی کے خلاف عدم اعتماد کی تحریک اے پی سی کے ایجنڈے پر لانے کی بات کی تھی۔
یہ بھی پڑھیے:
قمر زمان کائرہ نے یہ بھی کہا کہ پلیئرز پیچھے ہٹیں مل کر ایوان کے اندر سے تبدیلی لانا چاہتے ہیں۔
انہوں نے کہا کہ فاشزم کا اصول ہے کہ زندہ رہنے کے لیے پروپیگنڈا کیا جائے، چینی، آٹا، پٹرول بحران کے مافیاز عمران خان کے دائیں اور بائیں کھڑے ہیں۔
پی پی رہنما نے کہا کہ موجودہ حکمرانوں سے جو بھی ناکامی ہوتی ہے، اسے اپنے خلاف سازش قرار دے دیتے ہیں۔