پاکستان میں چین کے سفیر یاؤ جنگ نے کہا ہے امریکا چین کو اپنا اولین حریف کہتا ہے اور اس کے ہر منصوبے کی راہ میں رکاوٹیں ڈالتا ہے۔
جیو نیوز کے پروگرام جرگہ میں سلیم صافی سےگفتگو کرتے ہوئے چینی سفیر نے کہا کہ سی پیک سے صرف پاکستان نہیں بلکہ پورے خطے کو فائدہ ہوگا۔
چینی سفیر نے کہا کہ خطے کے دیگر ممالک بھی سی پیک میں شامل ہو کر اس کے ثمرات سے مستفید ہوں۔
انہوں نے مزید کہا کہ چین کی وجہ سے امریکا سی پیک کے خلاف پروپیگنڈا کر رہا ہے۔