جماعتِ اسلامی پاکستان کے امیر و سینیٹر سراج الحق نے کہا ہے کہ حکومت اپوزیشن کے ساتھ لڑنے کی بجائے دہشت گردوں سے لڑے۔
سینیٹ اجلاس سے خطاب کرتے ہوئے امیرِ جماعتِ اسلامی و سینیٹر سراج الحق نے کہا کہ حکومت کا بیانیہ اب چلنے والا نہیں ہے۔
انہوں نے مزید کہا کہ 3 دن پہلے حملے کی اطلاع کے باوجود حکومت کی جانب سے پشاور کے مدرسے کو سیکیورٹی فراہم کیوں نہیں کی گئی۔
جماعت اسلامی پاکستان کے امیر و سینیٹر سراج الحق کا یہ بھی کہنا ہے کہ شبلی فراز نے گوجرانوالہ کا درد محسوس کیا لیکن پشاور دھماکے کو محسوس نہیں کر رہے۔