امریکی صدر ٹرمپ کی جانب سے وزیر دفاع مارک ایسپر کو عہدے سے ہٹانے کے دوسرے روز ہی پینٹاگون کے ایک اعلیٰ عہدیدار نے استعفیٰ دے دیا۔
امریکی میڈیا کے مطابق پینٹاگون کے اعلیٰ عہدیدار جیمز اینڈرسن مستعفی ہوگئے ہیں۔
جیمز اینڈرسن قائم مقام انڈر سیکریٹری آف ڈیفنس فار پالیسی کےعہدے پر کام کر رہے تھے۔
صدر ٹرمپ کی جانب سے جان رُوڈ کو ان کے عہدے سے ہٹائے جانے کے بعد جیمز اینڈرسن نے فروری میں انڈر سیکریٹری کا عہدہ سنبھالا تھا۔
امریکی میڈیا کے مطابق یہ واضح نہیں ہوا کہ جیمز اینڈرسن نے خود استعفیٰ دیا ہے یا ان سے ایسا کرنے کو کہا گیا تھا۔