لندن (اے پی پی)برطانوی وزیر صحت میٹ ہینکوک نے کہا ہے کہ کووڈ 19 کی ویکسین کی جلد دستیابی ہو بھی گئی تو برطانیہ میں لوگوں کی اکثریت کی آئندہ برس تک ویکسینیشن نہیں ہو پائے گی۔ برطانوی وزیر صحت میٹ ہینکوک نے کہا ہے کہ حکومت ویکسین کی دستیابی کے بعد اسے لوگوں تک پہنچانے کے لیے منصوبے پر کام کر رہی ہے۔ انہوں نے یہ امید بھی ظاہر کی ہے کہ برطانیہ کی علاقائی انتظامیہ کرسمس کے موقع پر کورونا قواعد پر اتفاق رائے تک پہنچ جائیں گی تاکہ کرسمس کے تہوار کو ممکنہ حد تک نارمل کرسمس کے طور پر منایا جا سکے۔