فیصل آباد کے قریب موٹروے پر ہنگامہ آرائی کرنے کے الزام میں پیپلز پارٹی کے رکن قومی اسمبلی رمیش لال کے خلاف مقدمہ درج کر لیا گیا۔
ایم این اے رمیش لال کے خلاف فیصل آباد کے تھانہ لنڈیانوالہ میں موٹروے پولیس کے پٹرولنگ آفیسر امجد خان کی مدعیت مقدمہ درج کیا گیا۔
مقدمے میں کہا گیا ہے کہ ایم این اے رمیش لال کی گاڑی کو مسلسل تیسری لین میں چلانے کی وجہ سے روکا گیا تھا،جس پر رمیش لال غصے میں آگئے اور گاڑی سڑک کے درمیان کھڑی کر کے ٹریفک بلاک کر دی ۔