امریکی صدر ڈونلڈ ٹرمپ کی اہل خانہ کے ساتھ کیپیٹل ہل پر ہونے والے حملے کی لائیو کوریج انجوائے کرنے کی مبینہ ویڈیو منظرعام پر آ گئی ہے۔
مبینہ ویڈیو میں دیکھا جاسکتا ہے کہ اہلخانہ اور دوستوں کے ہمراہ موسیقی کے شور میں صدر ٹرمپ مظاہرین کا پارلیمنٹ پر دھاوا اور توڑ پھوڑ ٹی وی اسکرینز پر براہ راست دیکھ رہے ہیں۔ اس موقع پر ہال میں موجود خواتین و دیگر لوگوں کو موسیقی پر رقص کرتے ہوئے بھی دیکھا جاسکتا ہے۔
دوسری جانب امریکی پولیس کا کہنا ہے کہ کیپٹل ہل میں کشیدگی کے دوران زخمی ہونے والا پولیس افسر برائین ڈی سکنیک اسپتال میں دم توڑ گیا ہے جس کے بعد اس ہنگامے میں ہلاکتوں کی تعداد 5ہوگئی ہے۔