امریکی سینٹر فار ڈیزیز کنٹرول نے خبردار کیا ہے کہ جلد ویکسی نیشن نہ کی گئی تو برطانیہ میں پھیلنے والا تبدیل شدہ کورونا وائرس دو مہینے میں امریکا میں بھی تیزی سے پھیل سکتا ہے۔
ادھر برازیل میں پایا جانے والا وائرس برطانیہ پہنچ گیا۔ پروفیسر وینڈی بارکلے نے کہا کہ پہلے سامنے آئے کورونا وائرسز سے یہ مختلف لیکن زیادہ متعدی ہے۔ وائرس مسلسل ہیت تبدیل کرتے رہتے ہیں، اس پر مزید تحقیق کی ضرورت ہے۔
برطانوی وزیراعظم بورس جانسن کا کہنا ہےکہ جب کال آئے، ویکسین لگوائیں۔ گھر پر رہیں تاکہ زندگیاں بچائی جاسکیں۔
دوسری جانب فرانس بھر میں آج سے روز شام 6 بجے سے صبح 6 بجے تک کرفیو نافذ رہے گا جبکہ یونان میں پیر سے لاک ڈاؤن ختم کرنے کا اعلان کردیا گیا۔