ڈسٹرکٹ جیل لکی مروت سے رہائی پانے والے 2 افراد پر مخالفین نے فائرنگ کردی، جس سے 3 راہ گیر سمیت پانچ افراد جاں بحق اور دو زخمی ہوگئے۔
پولیس کے مطابق واقعے میں جاں بحق ہونے والوں میں جیل سے رہائی پانے والے 2 افراد اور 3 راہ گیر شامل ہیں۔
رہائی پانے افراد قتل کے الزام میں قید تھے، جیل سے باہر آنے پر موٹرسائیکل سوار مخالفین نے ان پر فائرنگ کردی اور فرار ہوگئے، فائرنگ سے 2 راہ گیر زخمی بھی ہوئے۔
واقعہ کے خلاف لواحقین نے لاشیں سڑک پر رکھ کر احتجا ج بھی کیا۔
پولیس کا کہنا ہے کہ لاشوں اور زخمی افراد کو اسپتال منتقل کردیا گیا ہے اور تحقیقات جاری ہیں۔