اسلام آباد ہائی کورٹ نے براڈ شیٹ کمیشن کے سربراہ شیخ عظمت سعید کی تقرری کے خلاف کیس کی سماعت کرتے ہوئے کیس دوسرے بینچ کو بھیجنے کی استدعا پر فیصلہ محفوظ کر لیا۔
درخواست گزار نے اسلام آباد ہائی کورٹ کے چیف جسٹس اطہر من اللّٰہ کے کیس سننے پر اعتراض کر رکھا ہے۔
درخواست گزار نے استدعا کی ہے کہ آپ کیس کسی دوسرے بینچ کو بھیج دیں۔
چیف جسٹس اطہر من اللّٰہ نے کہا کہ آپ نے تو ہر بینچ پر اعتراض کر رکھا ہے۔
اسلام آباد ہائی کورٹ نے کیس دوسرے بینچ کو بھیجنے کی استدعا پر فیصلہ محفوظ کر لیا۔
دائر کی گئی درخواست میں مؤقف اختیار کیا گیا ہے کہ جسٹس (ر) شیخ عظمت نیب میں بطور ڈپٹی پراسیکیوٹر جنرل خدمات انجام دے چکے ہیں۔
درخواست گزار کا یہ بھی کہنا ہے کہ براڈ شیٹ انکوائری کمیشن کے سربراہ کے طور پر ان کی تقرری مفادات کا ٹکراؤ ہے، ریٹائرڈ جج کو ریٹائرمنٹ کے 2 سال تک کسی عہدے پر تعینات نہیں کیا جا سکتا۔