بالی ووڈ اداکارہ دیشا پٹانی اور اداکار ٹائیگر شروف کی شادی سے متعلق خبریں کافی وقت سےگردش کر رہی ہیں جس پر اب جیکی شروف نے ردِ عمل کا اظہار کیا ہے۔
ٹائیگر شروف کے والد جیکی شروف نے بھارتی میڈیا سے گفتگو کرتے ہوئے بتایا کہ ٹائیگر شروف نے فی الحال اپنے کام سے شادی کی ہوئی ہے، مجھے نہیں لگتا کہ وہ اپنے کام پر توجہ دینا چھوڑے گا۔
انہوں نے کہا کہ میرا بیٹا اگر کسی چیز کو کرنے کی ٹھان لیتا ہے تو وہ اس پر اپنی مکمل توجہ مرکوز رکھتا ہے، اگر اس کی شادی ہو جاتی ہے تو میں جانتا ہوں کہ وہ اس پر مکمل دھیان دے گا۔
واضح رہے کہ بالی ووڈ اداکار ٹائیگر شروف اور اداکارہ دیشا پٹانی کے حوالے سے کئی برسوں سے افواہیں زیر گردش ہیں کہ دونوں کے ایک دوسرے کے ساتھ قریبی تعلقات ہیں۔ دونوں اداکاروں کو کئی بار تقریبات اور دیگر جگہوں پر ایک ساتھ دیکھا گیا ہے۔
ٹائیگر شروف اور دیشا پٹانی فلم ’باغی ٹو‘ میں ایک ساتھ اداکاری کے جوہر دکھا چکے ہیں۔