بالی ووڈ کے مشہور اداکار انیل کپور نے اپنی اور جیکی شیروف کی ایک تصویر شیئر کرتے ہوئے پرمزاح کیپشن تحریر کیا ہے۔
انیل کپور نے مذاقاً کہا کہ جیکی شیروف کہہ رہے ہیں کہ میں تمھیں 16، 17 بار تھپڑ ماروں گا، اگر تم نے میرے ساتھ فلم میں کام کرنے کی حامی نہ بھری۔
انیل کپور نے اپنے سوشل میڈیا ہینڈلر ٹوئٹر پر تصویر شیئر کرتے ہوئے لکھا کہ جیکی شیروف کہتے ہیں کہ میں پھر سے 16، 17 تھپڑ ماروں گا جیسا کہ میں نے پرندہ میں مارے تھے، اگر نہیں بتایا کہ ہماری فلم کب شروع ہوگی۔
ایک اور تصویر شیئر کرتے ہوئے انیل کپور نے جواب دیا کہ بہت جلد، اسکرپٹ پر کام چل رہا ہے۔
یاد رہے کہ انیل کپور اور جیکی شیروف نے 12 فلموں میں اکٹھے کام کیا ہے، جس میں رام لکھن، پرندہ، روپ کی رانی چوروں کا راجہ، 1942، اے لوو اسٹوری، تری مورتی اور شوٹ آؤٹ ایٹ وڈالا شامل ہیں۔