نلتر پائین کے مقام پر مسافر گاڑی پر خودکار ہتھیاروں سے اندھا دھند فائرنگ کے نتیجے میں خاتون سمیت 6 افراد جاں بحق اور 7 زخمی ہوئے۔
افسوسناک واقعہ آج سہ پہر 4 کے قریب اس وقت پیش آیا جب گلگت سے نلتر بالا جانے والی مسافروں سے بھری جیپ پر نلتر پائین کے آر سی سی پل پر خود کار ہتھیاروں سے اندھا دھند فائرنگ کی گئی۔ جس کے نتیجے میں جیپ میں سوار 18 مسافروں میں سے ایک خاتون سمیت 6 افراد جاں بحق اور ایک چھوٹی بچی سمیت 7 زخمی ہوگئے۔
تمام جاں بحق اور زخمی ہونے والوں کو فوری طور پر سٹی اسپتال گلگت منتقل کردیا گیا۔