رمضان المبارک میں مسجد الحرام اور مسجد نبوی میں اجتماعی افطار اور اعتکاف پر پابندی برقرار رہے گی، حرمین انتظامیہ نے ماہ رمضان کے لیے حرمین شریفین کے قواعد و ضوابط جاری کردیے۔
سربراہ حرمین انتظامیہ شیخ ڈاکٹر عبدالرحمان السدیس نے زائرین کو ایس او پیز کی پابندی کرنے اور ویکسین لگوانے کی ہدایت کی ہے۔
سربراہ حرمین انتظامیہ کا کہنا ہے کہ زائرین سماجی فاصلے کی پابندی و حفاظتی ماسک پہنیں، صحن مطاف کا ایک حصہ عمرہ زائرین کے لیے مختص ہوگا، مکہ مکرمہ گورنریٹ کے تعاون سے انفرادی افطار پیکٹ تیار کیے جارہے ہیں۔