برطانوی وزیراعظم بورس جانسن نے ٹین ڈاؤننگ اسٹریٹ لندن میں پریس بریفنگ کے دوران کہا کہ 12 اپریل سے روڈ میپ کے مطابق کورونا وائرس کے حوالے سے نافذ لاک ڈاؤن میں نرمی کی جائے گی۔
ان کا کہنا تھا کہ آئندہ پیر سے غیر ضروری اشیا کی دکانیں، اور پارک کھل جائیں گے۔
برطانوی وزیر اعظم نے کہا کہ جم، چڑیا گھر، تھیم پارک، لائبریریز اور کمیونٹی سینٹر بھی کھل جائیں گے۔
بورس جانسن نے مزید کہا کہ 12 اپریل سے شادی کی تقریب میں 15 افراد تک شرکت کرسکیں گے۔
انھوں نے یہ بھی کہا کہ قوم کی مشترکہ کاوشوں سے لاک ڈاؤن میں نرمی کے دوسرے مرحلے میں جانا ممکن ہوا۔