کراچی (نیوز ڈیسک) بھارتی ریاست بنگلور میں پولیس اہلکاروں نے کورونا وائرس سے بچنے کیلئے پریشر کوکر کو اپ ڈیٹ کرکے اس سے بھاپ لینا شروع کردیا ہے ۔ اس پریشر کوکر کے بیچ میں ایک لوہے کا پائپ لگایا گیا ہے جس کے دونوں اطرادف پر وینٹ لگائے گئے ہیں ، اس طرح پریش کوکر کے دونوں اطراف دو پولیس اہلکار بیک وقت اس سے نکلنے والی بھاپ سے مستفید ہوتے ہیں ۔
بنگلور کے سراج پور پولیس اسٹیشن میں پولیس اہلکار اپنی ڈیوٹی کے دوران خود کو وائرس سے بچانے کیلئے پریشر کوکر کے زریعے سے ہی بھاپ لیتے ہیں ۔ پریشر کوکر میں پانی کو گرم کیا جاتا ہے اور اس کیساتھ ساتھ اس میں نیم ، تلسی اور دیگر جڑی بوٹیوں کے پتوں کو ڈال دیا جاتا ہے ۔
واضح رہے کہ بھارتی ریاست بنگلور میں کورونا وائرس کے دوران اپنے فرائض سرانجام دینے والے پولیس اہلکاروں نے وائرس سے بچائو کیلئے مختلف طریقے استعمال کرنا شروع کررکھے ہیں ۔