لاہور کی سیشن کورٹ نے اشتعال انگیز تقریر کیس میں مسلم لیگ نون کے رہنما جاوید لطیف کے جوڈیشل ریمانڈ میں 23 جون تک توسیع کر دی۔
اشتعال انگیز تقریر کیس میں مسلم لیگ نون کے رہنما جاوید لطیف لاہور کے علاقے ماڈل ٹاؤن میں واقع (عدالت) کچہری میں پیش ہو گئے۔
دورانِ سماعت مجسٹریٹ نے جاوید لطیف کے جوڈیشل ریمانڈ میں 23 جون تک توسیع کر دی جبکہ استغاثہ کو جلد چالان پیش کرنے کی ہدایت بھی کی۔
رہنما نون لیگ جاوید لطیف کی آمد کے موقع پر ماڈل ٹاؤن کچہری کے اطراف سیکیورٹی کے سخت انتظامات کیئے گئے تھے۔