ترقی يافتہ ممالک کے گروپ جی سيون کے اجلاس کے آج دوسرے روز شرکا کے درمیان کسی نئی عالمی وبا سے بچنے کے ليے ایک متفقہ حکمت عملی پر اتفاق رائے ہو گیا۔
برطانيہ کے علاقے کاربِس بے میں گذشتہ روز شروع ہونے والے تین روزہ اجلاس میں آج شرکا کے درمیان کسی نئی عالمی وبا سے بچنے کے ليے ایک متفقہ حکمت عملی پر اتفاق ہوگیا۔
تاہم اس اجلاس کے فیصلے ’کاربِس بے ڈیکليريشن‘ کی تفصيلات کل جاری کی جائيں گی۔
اجلاس میں آج رکن ممالک نے غریب ممالک میں انفرا اسٹرکچر کی تعمیر میں مدد کے ’دوبارہ بنائیں بہتر دنیا‘ نامی امریکی پراجیکٹ پر بھی اتفاق کیا۔
یہ پراجیکٹ چین کے بیلٹ اینڈ روڈ منصوے (بی آر آئی) کے مقابلے میں لایا جارہا ہے۔
آج کے ديگر اہم موضوعات ميں چين اور روس کی وجہ سے لاحق چيلنجز بھی شامل ہيں۔
اجلاس کے پہلے دن رکن ممالک نے غريب ملکوں کے ليے کورونا ويکسين عطيہ کرنے کا اعلان کيا۔
کل اس اجلاس کا آخری دن ہے، جس ميں ماحولیاتی تبديليوں سے جڑے خطرات اور مسائل پر گفتگو کی جائے گی۔