ملتان (سٹاف رپورٹر) میٹرو پولیٹن کارپوریشن کے انفورسمنٹ ونگ کے عملے نے ملتان پبلک سکول روڈ اور شالیمار کالونی روڈ پر کارروائی کی ، جس کے دوران عثمان ارشد ، راؤ یاسر اور ارشد محمود کی غیر قانونی کمرشل مارکیٹس کو سیل کر دیا گیا ، تینوں مارکیٹس نقشہ منظوری کے بغیر تعمیر کی جا رہی تھیں - انفورسمنٹ ونگ کے اہلکاروں نے مارکیٹس سے سامان بھی قبضہ میں لے لیا ، جبکہ متعلقہ تھانے میں اندراج مقدمہ کے لئے درخواست بھی دے دی۔