چین نےعالمی ادارۂ صحت (ورلڈ ہیلتھ آرگنائزیشن) کا چینی لیبارٹریز کا آڈٹ کرنے کا منصوبہ خود پسندانہ قرار دے دیا۔
چینی نائب وزیرِ صحت کا اس حوالے سے کہنا ہے کہ کورونا وائرس کی ابتداء سے متعلق تحقیق کے لیے ڈبلیو ایچ او کی چینی لیبارٹریز پر تحقیق کا منصوبہ سائنس کے خلاف ہے۔
انہوں نے کہا کہ ڈبلیو ایچ او کی تجویز سے انتہائی حیر ت زدہ ہوں، عالمی ادارۂ صحت کی یہ تجویز عقل سے ماورا اور سائنس سے دور ہے۔
چینی نائب وزیرِ صحت کا یہ بھی کہنا ہے کہ عالمی ادارۂ صحت نے کورونا وائرس کی ابتداء سے متعلق دوسرے مرحلے کی تحقیق میں چینی لیبارٹیز پر تحقیق کی تجویز پیش کی ہے۔