اپوزیشن اتحاد پی ڈی ایم کے سربراہ مولانا فضل الرحمان اور سابق وزیراعظم شاہد خاقان عباسی کے درمیان آج اسلام آباد میں ملاقات ہوگی۔
ذرائع کے مطابق فضل الرحمان اور شاہد خاقان عباسی کی ملاقات میں پی ڈی ایم کی آئندہ کی حکمت عملی سے متعلق اہم فیصلے ہوں گے۔
ذرائع کے مطابق ملاقات میں کل ہونے والے سربراہی اجلاس کی بھی حکمت عملی طے کی جائے گی۔
اس سے قبل قائد حزب اختلاف شہباز شریف اور اپوزیشن اتحاد کے سربراہ مولانا فضل الرحمان میں ٹیلیفونک رابطہ ہوا ہے۔
دوران گفتگو شہباز شریف اور مولانا فضل الرحمان نے مہنگائی کے خلاف تحریک چلانے پر اتفاق کیا ہے۔