سندھ کے نرسنگ اسکولوں میں خلاف ضابطہ داخلوں کا انکشاف ہوا ہے۔ ذرائع کا کہنا ہے کہ داخلے کے لیے طلبا سے کروڑوں روپے وصول کیے گئے۔
جیونیوز کے نمائندے خاور خان کی رپورٹ کے مطابق مبینہ بے ضابطگیوں پر نرسنگ اسکولوں کے پرنسپلز کو شوکاز نوٹس جاری کردیے گئے ہیں۔
یہ شوکاز نوٹس 11 پرنسپلز کو دے دیے گئے ہیں، جبکہ مزید 4 پرنسپلز کو بھی شوکاز دیے جائیں گے۔ محکمہ صحت کے ترجمان کا کہنا ہے کہ تمام پرنسپل 15 روز میں جواب دینے کے پابند ہیں۔