ملک میں تعلیمی شعبے کی خود نگرانی کروں گا، وزیر اعظم

08 مئی ، 2024

وزیراعظم شہباز شریف کا کہنا ہے کہ ملک میں تعلیمی شعبے کی خود نگرانی کروں گا، اگر ہم یکسو ہو کر چلے تو پاکستان ہر شعبے میں اپنا نام پیدا کرے گا۔

اسلام آباد میں تعلیمی کانفرنس سے خطاب کرتے ہوئے وزیراعظم کا کہنا تھا کہ تعلیم کے بغیر کوئی قوم ترقی نہیں کر سکتی۔

انہوں نے کہا کہ پاکستان چیلنجز پر قابو پاکر ایٹمی قوت بنا، دہشتگردی کے خلاف جنگ میں پاکستان نے 80 ہزار جانوں کا نذرانہ پیش کیا، پاکستانی قوم اپنے عزم اور حوصلے سے کسی بھی چیلنج پر قابو پانے کی صلاحیت رکھتی ہے۔

شہباز شریف نے کہا کہ بطور وزیر اعلیٰ پنجاب بچوں کےلیے وظائف، یونیفارم کا بندوبست کیا، پنجاب میں برطانوی حکومت کے تعاون سے ووکیشنل انسٹیٹیوٹ قائم کیے، پنجاب ایجوکیشن انڈوومنٹ فنڈ کا قیام عمل میں لایا گیا، بچوں سے مشقت کروانے والے والدین کو تعلیم کے لیے رقم دی۔

قومی خبریں سے مزید