اسلام آباد میں گرفتار چور کی فائرنگ سے اے ایس آئی زخمی، چور فرار

اسلام آباد کی میلوڈی مارکیٹ میں گرفتار چور نے اے ایس آئی کی پستول سے فائرنگ کرکے اے ایس آئی کو زخمی کردیا اور فرار ہو گیا ۔

پولیس کے مطابق اسلام آباد پولیس کا اے ایس آئی تنویر کیانی چور کو تھانے لے جارہا تھا کہ راستے میں گاڑی خراب ہو گئی ۔ دوسری گاڑی میں منتقلی کے دوران ملزم نے اے ایس آئی کا پستول نکال کر فائر کر دیا اور فرار ہو گیا ۔ فائرنگ سے اے ایس آئی زخمی ہوا جسے اسپتال منتقل کر دیا گیا ہے ۔