انٹیلی جنس رپورٹس میں کہا گیا ہے کہ تحریک انصاف کے اسلام آباد دھرنے کے لیے مسلح افراد کی کرائے پر خدمات حاصل کی گئی ہیں اور یہ رپورٹ حکومت کو بھی ارسال کردی گئی ہے۔
ذرائع کے مطابق تحریک انصاف کے2 نومبر کو اسلام آباد کے دھرنے کے لیے خیبر پختونخوا اور پنجاب سے ایک ہزار کے قریب مسلح افراد کی خدمات حاصل کر لی گئیں۔
خفیہ اداروں نے رپورٹ حکومت کو پیش کردی ہے۔ آئی بی اور اسپیشل برانچ کی رپورٹس کی نقول وزرت داخلہ کو بھی بھیج دی گئیں۔ ذرائع کا کہنا ہے کہ رپورٹ میں سفارش کی گئی کہ حکومت مسلح افراد سے نمٹنے کے لیے حکمت عملی مرتب کرے۔
رپورٹس میں مسلح افراد کی خدمات حاصل کرنے والے اراکین صوبائی اسمبلیوں کے نام بھی شامل ہیں۔ مسلح افراد کو 2نومبر سے قبل اسلام آباد لایا جائے گا، جو شہر کے مختلف حصوں میں توڑ پھوڑ اور ماردھاڑ کریں گے۔
فرمان الہی
نماز کے اوقات
