پاکستان کرکٹ ٹیم کے وکٹ کیپر بیٹسمین سرفراز احمد کا کہنا ہے کہ ابوظبی کی وکٹ تھوڑی سلو ہے اس لیے بولرز کو وکٹ حاصل کرنے میں مشکلات کا سامنا ہے۔
سرفرا ز احمد نے ان خیالات کا اظہار ابوظبی ٹیسٹ کے چوتھے دن کے اختتام پر میڈیا سے گفتگو میں کیا، اُن کا کہنا تھا کہ اُنہیں یقین ہے کہ پانچویں دن پاکستانی ٹیم ٹیسٹ جیتنے میں کامیاب ہوجائے گی،یاسر شاہ کو بطور وکٹ ٹیکر بولر استعمال کررہے ہیں۔
وکٹ کیپر بیٹسمین نے کہا کہ وکٹ کچھ سلو ہے، اس لیے ویسٹ انڈیز کی ٹیم کو آؤٹ کرنے کے لیے زیادہ سے زیادہ اوورز کا مارجن حاصل کیا ہے۔
سرفراز احمد نے بشو کو رن لینے کے لیے روکنے پر آواز لگانے کے سوال پر کہا کہ بشو کو اُردو اور ہندی تھوڑی تھوڑی سمجھ میں آتی ہے اس لیے اُنہوں نے بشو کو ایسے کہا تھا۔