پشاور کی خصوصی عدالت نےافغان خاتون شربت گلہ کو15 دن قید ، ایک لاکھ دس ہزار روپے جرمانے کی سزا اور ملک بدر کرنے کا حکم دیا ہے۔کیس کی سماعت خصوصی عدالت کی جج فرح جمشید نے کی ۔
سبزآنکھوں سے شہرت پانے والی افغان لڑکی شربت گلہ کو وفاقی تحقیقات ادارے نے پشاور کے علاقے نوتھیا سے غیر قانونی طور پرپاکستانی شناختی کارڈ حاصل کرنے کے الزام میں گرفتار کیا گیا تھا ۔ شربت گلہ کوکارڈز جاری کرنے پر نادرا کے 3 سابق افسروں کے خلاف بھی مقدمہ درج ہے۔
شربت گلہ نے نیشنل جیوگرافک کےجریدےکے ٹائٹل پرچھپی تصویر سے دنیا بھر میں شہرت پائی تھی ۔
ایف آئی اے حکام کے مطابق شربت گلہ کو پاکستانی شناختی کارڈ جاری کرنےمیں نادرا کے 3 سابق ڈپٹی اسسٹنٹ ڈائریکٹرز پلوشہ آفریدی، محسن احسان اور عماد خان کے خلاف بھی مقدمہ درج ہے اور وہ اس وقت روپوش ہیں۔
فرمان الہی
نماز کے اوقات
