مصر:داعش نے سینائی دھماکے کی ذمہ داری قبول کرلی

عسکریت پسند تنظیم داعش نے مصر کے شمالی صوبہ سینائی میں سکیورٹی چوکی کے قریب دھماکے کی ذمہ داری قبول کرلی ہے، دھماکے میں 9سیکورٹی اہلکاروں سمیت 10 افراد ہلاک ہوئے تھے۔

عرب ٹی وی کے مطابق داعش نے یہ بات سوشل میڈیا پر نشر ہونے والے بیان میں کہی ہے اور ساتھ ہی مزید حملوں کی دھمکی دی ہے۔

گزشتہ روز مصر کے شمالی صوبہ جزیرہ نما سینائی کے شہر عريش ميں نامعلوم مسلح حملہ آوروں نے ایک سکیورٹی چيک پوسٹ پر فائرنگ اور بعد ازاں کچرا اٹھانے والی گاڑی سے دھماکا کيا، حملے ميں کم از کم نو اہلکار اور ایک عام شہری ہلاک ہوگئے، اس کے علاوہ متعدد اہلکاروں سمیت 22 افراد زخمی بھی ہوئے تھے۔