کراچی: مبینہ پولیس مقابلے میں ڈاکو ہلاک

کراچی کے علاقے نیو کراچی میں پولیس سے مقابلے کے دوران ایک ڈاکو ہلاک اور دوپولیس اہلکاروں سمیت چار افراد زخمی ہوگئے جبکہ سعود آباد اور گلبہار میں بھی فائرنگ سے 2 افراد زخمی ہوئے ۔

پولیس کے مطابق نیو کراچی میں فائر بریگیڈ کے دفتر کے قریب مسلح ملزمان دُکان میں ڈکیتی کرکے فرار ہورہے تھے کہ گشت پر موجود پولیس موبائل نے کارروائی کی ، پولیس کو دیکھ کر ملزمان نے فائرنگ کردی۔

جوابی فائرنگ سے ایک ملزم زخمی ہوگیا جو بعد ازاں زخموں کی تاب نہ ہوئے ہلاک ہوگیا۔

ملزمان کی فائرنگ سے دو پولیس اہلکار اور دو راہگیر بھی زخمی ہوئے، جنہیں اسپتال منتقل کردیا گیا۔