جیکب آباد میں پولیس کارروائی کے دوران ایک دہشت گرد کو گرفتار کرکے بارودی مواد برآمد کرلیا گیا ہے۔ دہشت گرد کا تعلق کالعدم تنظیم سے ہے۔
ایس ایس پی سرفراز نواز شیخ کے مطابق خفیہ اطلاع پر گائوں خیر محمد کھوسو میں ٹھل پولیس نے کارروائی کی، جس کے دوران کالعدم تنظیم سے تعلق رکھنے والے ایک دہشت گرد کو گرفتار کرلیا گیا۔
دہشت گرد سے 3 کلو بارودی مواد، ریموٹ کنٹرول ڈیوائس، بال بیرنگ اور دیگر ممنوع سامان برآمد ہوا ہے۔
ایس ایس پی کا کہنا ہے کہ گرفتار دہشت گرد ریلوے ٹریک پر دھماکوں میں ملوث ہے، جس کے خلاف مقدمہ درج کرکے تفتیش شروع کردی گئی ہے۔