آرمی چیف جنرل قمر جاوید باجوہ کی ہدایت پر اعلیٰ سطح کے فوجی وفد نے افغانستان کا دورہ کیا ہے۔
آئی ایس پی آر کے مطابق افغانستان کے دورے پر جانے والے فوجی وفد کی قیادت چیف آف جنرل اسٹاف لیفٹیننٹ جنرل بلال اکبر نے کی۔
پاکستان کے فوجی وفد نے افغان قائم مقام وزیر دفاع اور افغان چیف آف آرمی اسٹاف سے ملاقات کی اور مزارشریف پر دہشت گرد حملےمیں جانی نقصان پر آرمی چیف کی جانب سے اظہار تعزیت کیا، جبکہ افغان فورسز اور عوام کے ساتھ اظہار یکجہتی بھی کیا۔
آئی ایس پی آر نے کہا ہے کہ پاکستانی فوجی وفد نے افغان حکام سے دو طرفہ بارڈر کوآرڈینشن کے اقدامات پرمذاکرات کیے اور افغان حکام کو بتایا کہ پاکستان کے سرحدی علاقے مکمل کنٹرول میں ہیں۔
یہ بھی بتایا گیا کہ پاکستان اپنی سرزمین افغانستان کے خلاف استعمال نہیں ہونے دے گا۔
فرمان الہی
نماز کے اوقات
