پاکستان کوجیتنا ہے تو بھارتی اوپنرز کو جلد آؤٹ کرنا ہوگا، گنگولی

بھارت کے سابق کھلاڑی سارو گنگولی کا کہنا ہے کہ پاکستان کوجیتنا ہےتو بھارتی اوپنرز کو جلد آؤٹ کرناہوگا۔

بڑے ٹاکرے سے پہلے جیو نیوز پر پاکستان اور بھارت کے سابق کرکٹرز کا ٹاکراہوا جس میں سابق بھارتی کھلاڑی ہربھجن سنگھ کا کہنا تھا کہ شروع کے3بھارتی بلےبازآؤٹ ہوگئےتو300رنزبنانےمشکل ہوجائیں گے۔

پاکستان کے سابق بلے باز رمیز راجا نے کہا کہ پاکستانی ٹیم دباؤ نہ لے جبکہ شعیب اختر نے اظہار خیال کرتے ہوئے کہا کہ پاکستان دلیری سے کھیلے ،فیورٹ ہے ۔

قومی ٹیم کے اسٹار بیٹسمین محمدیوسف کا کہنا تھا کہ بھارتی بولنگ 300اسکورکرواسکتی ہے۔پاکستان نےبھارت کو250سےکم رنزپرآؤٹ کیاتوچانس زیادہ ہوگا۔

علاوہ ازیں پاکستان کرکٹ ٹیم کے ہیڈ کوچ مکی آرتھر جیو نیوز بات کرتے ہوئے کہا کہ انہیں یقین تھا کہ ٹیم کم بیک کرے گی ۔نوجوان کھلاڑیوں نے زبردست پرفارم کیا۔