زرمبادلہ کے ذخائر میں کمی، 20 ارب ڈالر بھی نہ رہے

ملکی زرمبادلہ ذخائر 20 ارب ڈالر بھی نہ رہے، ادائیگیاں ہفتہ بھر میں ذخائر 28 کروڑ گرا گئیں، زرمبادلہ ذخائر 19 ارب 76 کروڑ ڈالر ہوگئے۔

اسٹیٹ بینک آف پاکستان کے مطابق 29 ستمبر کو ختم ہونے والے ہفتے کے دوران ملکی زرمبادلہ ذخائر بیرونی قرضوں کے سود اور دیگر ادائیگیوں کی وجہ سے 28 کروڑ 84 لاکھ ڈالر کم ہوئے۔

مرکزی بینک کے ذخائر 27 کروڑ ڈالر کم ہوکر 13 ارب 85 کروڑ ڈالر ہوگئے، جبکہ شیڈول بینکوں کے ذخائر 1 کروڑ ڈالر کم ہوکر 5 ارب 90 کروڑ ڈالر ہوگئے۔