سابق وزیراعظم نوازشریف کی اہلیہ بیگم کلثوم نواز کوطبیعت بگڑنے پر ایک بار پھر اسپتال منتقل کردیا گیا۔
کلثوم نواز کی اسپتال منتقلی کی اطلاع ان کی صاحبزادی مریم نواز نے سوشل میڈیا پر ایک پیغام میں دی۔
مریم نواز کا کہنا ہے کہ امی کو دوبارہ اسپتال میں داخل کرادیا گیا ہے، امی کی صحت یابی کےلیے دعا کی جائے۔
ِ
Ami is hospitalised again. Earnest request for prayers. https://t.co/3ufycfsDzF
— Maryam Nawaz Sharif (@MaryamNSharif) October 24, 2017
واضح رہے کہ سابق وزیراعظم نوازشریف کی اہلیہ کو کینسر کا عارضہ لاحق ہے اور وہ گزشتہ کئی دنوں سے لندن میں زیرعلاج ہیں جہاں ان کی کیموتھراپی اور آپریشن کیے جاچکے ہیں۔
کلثوم نواز میاں نوازشریف کی نااہلی کے بعد خالی ہونے والی نشست لاہور کے حلقہ این اے 120 سے رکن قومی اسمبلی بھی منتخب ہوچکی ہیں۔