کچھ لوگوں کو پرانی گاڑیاں رکھنے کا اس قدر شوق ہوتا ہے کہ دہائیاں گزر جانے کے باوجود بھی ان کی گاڑیوں نئی گاڑیوں سے کم نہیں معلوم ہوتیں۔
دبئی کے ورلڈ ٹریڈ سینٹرمیں جاری 14ویں سالانہ موٹرشومیں جہاں بیش قیمت عالیشان گاڑیاں توجہ کا مرکز بنی ہوئی ہیں وہیں کئی دہائیوں قدیم کلاسک کاروں کی بھی نمائش کی گئی ۔
اس موٹر شو میں کئی آٹو موبائل کمپنیاں شرکت کر رہی ہیں جبکہ سینکڑوں نمائش کنندگان بیش قیمتی وِنٹیج گاڑیوں کے ساتھ شرکت کر رہے ہیں جن کی 50سے 100سال تک پرانی گاڑیاں کئی دہائیاں گزر جانے کے باوجود اپنے انجن اور ڈیزائن کی اصلی شکل میں ہونے کی وجہ سے توجہ کا مرکز بنی ہوئی ہیں۔
اس شاندارکلاسک کار ایگزیبیشن میں کئی مشہور ماڈلز کی پرانی گاڑیوں نمائش کیلئے رکھی گئی تھیں جنہیں ہلکی مرمت اور ڈینٹنگ پینٹنگ کے بعد نمائش کا حصہ بنایا گیا ۔