• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شنگھائی میں دلچسپ باتیں کرنے والا روبوٹ متعارف

تازہ ترین
دلچسپ و عجیب
23 نومبر ، 2017

جدید ٹیکنالوجی کے اس دور میں جہاں کئی نت نئی مشینوں کی ایجادات نے انسانی زندگی میں آسانیاں پیدا کی ہیں وہیں اب جدید روبوٹس نے بھی کئی کاموں کی ذمہ داری سنبھال لی ہے۔

چین کے سائنسدانوں نے ایسا ہی ایک انسانی شکل و صورت سے مشابہہ جدید روبوٹ تیار کیا ہے جو آپ کے ساتھ مزے مزے کی باتیں کرنے کے علاوہ کئی معلومات بھی فراہم کرتا ہے ۔

انسانی شکل و صورت سے مشابہہ یہ جدید روبوٹ جنگ ہونگ روبوٹ ریسرچ اینڈ ڈیلووپمنٹ کمپنی کی جانب سے متعارف کرایا گیا ہے جسے شنگھائی میں ہونے والی روبوٹ کی نمائش میں پیش کیا گیا ۔

لڑکی کی شکل کا یہ روبوٹ انسانی تاثرات سے لیس ہے جو ہاتھ ملانے کے ساتھ باتوں کے جواب بھی دیتا ہے اور اپنی ساتھ کی گئی باتوں کو فوراً ذہن نشین بھی کرلیتا ہے۔

تازہ ترین