| |
Home Page
ہفتہ 7؍ جمادی الثانی 1439ھ 24؍ فروری 2018ء
February 13, 2018 | 09:46 am

احتساب کے نام پر انتقام کا جواب کل عوام نے دے دیا، نواز شریف

Public Gave The Answer To The Revenge On The Name Of Accountability Nawaz Sharif

Public Gave The Answer To The Revenge On The Name Of Accountability Nawaz Sharif

سابق وزیراعظم نواز شریف نے کہا ہے کہ مجھے معلوم نہیں کہ انتقام کیوں لیا جارہا ہے تاہم ڈرتا نہیں ہوں، احتساب کے نام پر انتقام کا جواب کل لودھراں کے عوام نے دے دیا۔

احتساب عدالت میں پیشی کے موقع پر میڈیا سے بات کرتے ہوئے نواز شریف کا کہنا تھا کہ میرا مقدمہ عوام لڑ رہے ہیں اور آئندہ بھی لڑیں گے، میں عوام کو سلام پیش کرتا ہوں۔ ووٹ کے تقدس کی مثالیں دیکھ رہے ہیں اور کل لودھراں میں اس کا عملی مظاہرہ بھی دیکھا۔

ایک سوال پر سابق وزیراعظم کا کہنا تھا کہ مجھے معلوم نہیں کہ انتقام کیوں لیا جارہا ہے تاہم ڈرتا نہیں ہوں، جو انتقام لے رہے ہیں وہ ان سے بھی پوچھ گچھ کریں جنہوں نے دو مرتبہ آئین توڑا اور ججز کو گرفتار کیا۔

نواز شریف نے کہا کہ آج سب سے بڑے مجرم ہم بنے ہوئے ہیں اور وہ جنہوں نے دو دو مرتبہ آئین توڑا انہیں نہیں پکڑاگیا، کیا ان تک پہنچتے ہوئے پر جلتے ہیں۔