کوئٹہ: سریاب روڈ دھماکے کا مقدمہ درج

کوئٹہ میں سریاب روڈ پر بلوچستان یونیورسٹی کے قریب ہونے والے دھماکے کا مقدمہ درج کرلیا گیا ہے۔

سی ٹی ڈی حکام کا کہنا ہے کہ سریاب روڈ دھماکے کا مقدمہ سی ٹی ڈی تھانے میں درج کیا گیا ہے، مقدمہ نامعلوم دہشت گردوں کیخلاف انسداددہشت گردی دفعات کے تحت درج کیا گیا۔

کوئٹہ دھماکا، وفاقی وزیر داخلہ نے رپورٹ طلب کرلی

دہشت گردوں کو بلوچستان کا امن تباہ نہیں کرنے دیں گے، شیخ رشید احمد

خیال رہے کہ گزشتہ شام سریاب روڈ دھماکے میں ایک پولیس اہلکار جاں بحق اور 13 اہلکاروں سمیت 16 افراد زخمی ہوگئے تھے۔

وفاقی وزیر داخلہ شیخ رشید احمد نے کوئٹہ میں سریاب روڈ پر ہوئے بم دھماکے کی رپورٹ طلب کرلی ہے۔

کوئٹہ میں بلوچستان یونیورسٹی کے قریب دھماکا ، 1 اہلکار شہید 16 افراد زخمی

پولیس کے مطابق دھماکےمیں پولیس کی گاڑی کو نشانہ بنایا گیا، زخمیوں کو سول اسپتال منتقل کردیا گیا۔

شیخ رشید احمد نے دھماکے میں شہید پولیس اہلکار کے لواحقین سے اظہار ہمدردی کرتے ہوئے کہا تھا کہ دہشت گردوں کو بلوچستان کا امن تباہ نہیں کرنے دیں گے۔