پاکستانی امریکن دلاور سید اہم عہدے کیلئے نامزد

امریکی صدر جوبائیڈن نے پاکستانی امریکن دلاور سید کو اسمال بزنسز ایڈمنسٹریشن کا ڈپٹی ایڈمنسٹریٹر نامزد کردیا ہے۔

دلاور سید 30 برس پہلے پاکستان سے امریکا منتقل ہوئے تھے۔ دلاور سید سوفٹ وئیر، ہیلتھ کئیر اور مصنوعی انٹیلی جنس کے شعبوں کے ماہر ہیں۔

میڈیا رپورٹس کے مطابق دلاور سید کے نام کی توثیق ہوئی تو وہ امریکی حکومت میں اعلیٰ ترین عہدے پر تعینات پہلے مسلم امریکن ہوں گے۔

رپورٹس کے مطابق امریکی کانگریس میں ری پبلکنز نے دلاور سید کی نامزدگی میں روڑے اٹکانا شروع کردیے ہیں۔