آریان خان کیس: شاہ رخ خان اور سلمان خان کی فلموں کی شوٹنگ منسوخ

بالی ووڈ اسٹار شاہ رخ خان کے بیٹے آریان خان کی کروز شپ منشیات کیس میں گرفتاری کے بعد شاہ رخ خان اور سلمان خان نے اپنی فلموں کی شوٹنگ کو روک دیا ہے۔

بھارتی میڈیا رپورٹس کے مطابق ، جس وقت ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو گرفتار کیا گیا تو تقریباََ اسی وقت اداکار کو فلم ’ پٹھان ‘کی شوٹنگ کے لیے اسپین روانہ ہونا تھا۔

آریان خان کی جیل میں کیا غذا ہے؟

این سی بی کی جانب سے آریان کو گھر سے آنے والا کھانا دینے سے انکار کردیا گیا تھا۔

آریان کی گرفتاری کے بعد سے سب چیزوں کو روک دیا گیا، اور شاہ رخ خان ڈائریکٹر اتلی کی جس فلم کی شوٹنگ کروا رہےتھے، اسے بھی ملتوی کردیا گیا ہے۔

شاہ رخ خان اپنے آئندہ کے لائحہ عمل کا فیصلہ کرنے سے پہلے اب اپنے بیٹے آریان کی ضمانت کی اپیل کے فیصلے کا انتظار کر رہےہیں۔

آریان خان کیس، محفوظ فیصلہ آج سنایا جائے گا

آریان خان کی ضمانت کی درخواست پر این ڈی پی ایس کی خصوصی عدالت آج بھارتی وقت کے مطابق دو بج کے 45 منٹ پر فیصلہ سنائے گی۔

فلم ’ پٹھان ‘ کے تاخیرکا شکار ہونے سے سلمان خان’ ٹائیگر 3 ‘بھی متاثر ہوئی ہے، دونوں فلمیں یش راج فلمز نے تیار کی ہیں اور ایک دوسرے سے جڑی ہوئی ہیں، کیونکہ فلم ’ پٹھان ‘میں سلمان کی خصوصی انٹری ہوگی جبکہ شاہ رخ فلم ’ ٹائیگر 3‘ میں بھی نظر آئیں گے۔

خیال رہے کہ سلمان خان آریان کے معاملے پر گہری نظر رکھے ہوئے ہیں اورگرفتاری سے لیکر اب تک کئی بار شاہ رخ کے گھر کا دورہ بھی کرچکے ہیں اور آریان کے حوالے سے کافی فکر مند ہیں۔