الیکشن کمیشن نے اعظم سواتی کو شوکاز جاری کردیا

الیکشن کمیشن آف پاکستان (ای سی پی) نے وفاقی وزیر ریلوے اعظم سواتی کو شوکاز جاری کردیا۔

الیکشن کمیشن نے وفاقی وزیر ریلوے اعظم سواتی کو شوکاز جاری کردیا،  حکم دیا کہ اعظم سواتی 26 اکتوبر کو پیش ہوکر شوکاز کا جواب دیں۔

اعظم سواتی کے الیکشن کمیشن پر الزامات کا معاملے پر الیکشن کمیشن میں ممبر نثار درانی اور شاہ محمد جتوئی پر مشتمل بینچ نے سماعت کی۔

اعظم سواتی کے الزامات پر چیف الیکشن کمشنر برہم

ریلوے کے وفاقی وزیر، اعظم سواتی کی جانب سے الیکشن کمیشن آف پاکستان پر لگائے گئے الزامات پر چیف الیکشن کمشنر سکندر سلطان راجہ نے اظہارِ برہمی کیا ہے۔

اعظم سواتی کے وکیل کی جگہ ان کے جونیئر وکیل کمیشن میں پیش ہوئے اور انہوں نے  آگاہ کیا کہ وکیل چودھری فیصل سپریم کورٹ میں مصروف ہیں۔

ممبر الیکشن کمیشن شاہ محمد جتوئی نے استفسار کیا کہ آپ نے سینئر وکیل سے کیس پر بریفنگ نہیں لی؟ ممبر الیکشن کمیشن نثار درانی نے کہا کہ وکالت نامہ دینے سے مسئلہ حل نہیں ہوگا۔

 واضح رہے کہ وزیرِ ریلوے سینیٹر اعظم سواتی سینیٹ کی قائمہ کمیٹی برائے پارلیمانی امور کے اجلاس میں الیکشن کمیشن پر برس پڑے تھے۔

اعظم سواتی نے الزام عائد کیا تھا کہ الیکشن کمیشن نے پیسے پکڑے ہوئے ہیں، الیکشن کمیشن ملک کی جمہوریت کو تباہ کرنے کا باعث ہے۔

الیکشن کمیشن سے وفاقی وزیر اعظم سواتی کو شوکاز نوٹس مل گیا

وفاقی وزیر ریلوے اعظم سواتی کو الیکشن کمیشن آف پاکستان (ای سی پی) نے شوکاز نوٹس جاری کردیا۔

اعظم سواتی کا کہنا تھا کہ الیکشن کمیشن ہمیشہ دھاندلی کرتا رہا ہے، الیکشن کمیشن ملک کی جمہوریت کو تباہ کرنے کا ضامن ہے۔

اعظم سواتی کے الزامات پر قائمہ کمیٹی برائے پارلیمانی امور کے اجلاس سے الیکشن کمیشن کے ارکان نے واک آؤٹ کیا تھا۔