جام کمال ہی وزیراعلیٰ رہیں گے، شاہ زین بگٹی کا دعویٰ

وزیرِاعظم کے معاون خصوصی برائے مفاہمت و ہم آہنگی شاہ زین بگٹی نے دعویٰ کیا ہے کہ وزیراعلیٰ بلوچستان جام کمال اپنے عہدے پر برقرار رہیں گے۔

جیو نیوز سے گفتگو کرتے ہوئے شاہ زین بگٹی کا کہنا تھا کہ بلوچستان حکومت برقرار رہے گی اور وزیراعلیٰ جام کمال ہی رہیں گے۔

انہوں نے کہا کہ بلوچستان میں مخلوط حکومت ہے اور ہم اس مخلوط حکومت کا حصہ ہیں۔

پانچ ارکان کے لاپتا ہونے کا دعویٰ بے بنیاد ہے ،ترجمان بلوچستان حکومت

لیاقت شاہوانی نے کہا کہ ناراض ساتھیوں اور اپوزیشن نے ناکامی چھپانے کے لئے الزامات لگانے کا سلسلہ شروع کیا، اسمبلی اراکین کو لاپتہ کرنے کاالزام ایوان کے تقدس کی پامالی ہے۔

شاہ زین بگٹی کا کہنا تھا کہ بلوچستان میں سازگار ماحول کے لیے بات چیت جاری رکھے ہوئے ہوں۔

افغانستان کی صورتحال پر بات کرتے ہوئے شاہ زین بگٹی کا کہنا تھا کہ پاکستان اور افغانستان کے پُرامن تعلقات وقت کی ضرورت ہیں۔