دنیا میں کورونا سے 1 لاکھ 80 ہزار ہیلتھ ورکرز ہلاک ہوئے: ڈبلیو ایچ او

عالمی ادارۂ صحت (ڈبلیو ایچ او) نے بتایا ہے کہ دنیا بھر میں کورونا وائرس سے اب تک 1 لاکھ 80 ہزار ہیلتھ ورکرز ہلاک ہوئے ہیں۔

عالمی ادارۂ صحت کا کہنا ہے کہ ہیلتھ ورکرز کو کورونا وائرس کی ویکسین کی فراہمی اوّلین ترجیح ہونی چاہیئے۔

پاکستان: مزید 1 درجن کورونا مریض فوت، کیسز کی شرح 1.3 فیصد

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 554 کیسز سامنے آئے ہیں، مزید 12 افراد اس موذی وباء کے سامنے زندگی کی بازی ہار گئے، اس کے مزید 977 مریض شفایاب ہو گئے، جبکہ مثبت کیسز کی شرح 1 اعشاریہ 3 فیصد پر آ گئی۔

عالمی ادارۂ صحت نے مزید بتایا کہ دنیا بھر میں اوسطاً ہر 5 میں سے 2 ہیلتھ ورکرز کورونا وائرس کی ویکسین کی مکمل خوراک لے چکے ہیں۔

اس حوالے سے عالمی ادارۂ صحت (ڈبلیو ایچ او) ٹیڈ روس کا کہنا ہے کہ کورونا ویکسین تک رسائی سمیت ہیلتھ ورکرز کے حقوق کو یقینی بنائیں گے۔