• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نکاح کے بعد ملالہ کی مقبولیت میں مزید اضافہ

نوبیل انعام یافتہ پاکستانی ملالہ یوسف زئی کے نکاح کے بعد اُن کی سوشل میڈیا مقبولیت میں مزید اضافہ ہوگیا ہے۔

ملالہ یوسف زئی دو روز قبل ہی پاکستان کرکٹ بورڈ (پی سی بی) کے ایک نوجوان افسر عصر ملک کے ساتھ نکاح کے بندھن میں بندھی ہیں۔

نکاح کے فوراََ بعد ملالہ یوسف زئی کے ٹوئٹر فالوورز کی تعداد میں اضافہ ہوگیا ہے۔

مائیکرو بلاگنگ سائٹ ٹوئٹر پر موجود ملالہ یوسف زئی کے تصدیق شدہ اکاؤنٹ پر فالوورز کی تعداد 2 ملین یعنی 20 لاکھ ہوگئی ہے۔

ملالہ یوسف زئی کے ٹوئٹر کی جانب نظر دوڑائی جائے تو اُنہوں نے اپنے اکاؤنٹ سے صرف 558 صارفین کو فالو کیا ہوا ہے جن میں مشہور شخصیات شامل ہیں۔

اس کے علاوہ ملالہ یوسف زئی نے اب تک اپنے اکاؤنٹ سے صرف 753 ٹوئٹس کیے ہیں جبکہ اُنہوں نے ٹوئٹر پر اپنا یہ اکاؤنٹ سال 2012 میں بنایا تھا۔

واضح رہے کہ ملالہ یوسف زئی نے اپنے نکاح کا اعلان سماجی رابطے کی ویب سائٹ ٹوئٹر پر کیا تھا اور ساتھ ہی اپنے شوہر عصر ملک اور اہلخانہ کی تصاویر شیئر کی تھیں۔

عصر ملک جن سے ملالہ یوسف زئی رشتۂ ازدواج میں منسلک ہوئی ہیں، وہ پاکستان کرکٹ بورڈ (پی سی بی) کے ہائی پرفارمنس سینٹر میں جنرل منیجر آپریشنز کے عہدے پر فائز ہیں۔

خاص رپورٹ سے مزید