مشترکہ اجلاس میں اپوزیشن کو بری طرح شکست ہوئی، عثمان بزدار

وزیراعلیٰ پنجاب عثمان بزدار نے کہا ہے کہ پارلیمنٹ کے مشترکہ اجلاس میں اپوزیشن کو بری طرح شکست ہوئی۔

لاہور سے جاری بیان میں عثمان بزدار نے کہا کہ خوش فہمی کا شکار اپوزیشن کی امیدوں پر پارلیمنٹ اجلاس میں پانی پھر گیا۔

انہوں نے کہا کہ اپوزیشن کا غیرجمہوری اور غیراخلاقی رویہ افسوسناک رہا، دعوے کرنے والے شکست پر اجلاس سے راہ فرار اختیار کر گئے۔

آج پارلیمنٹ میں قانون سازی نہیں غنڈہ گردی ہوئی، مریم اورنگزیب

مسلم لیگ (ن) کی ترجمان مریم اورنگزیب نے کہا ہے کہ آج پارلیمنٹ میں قانون سازی نہیں غنڈہ گردی ہوئی ہے۔

وزیراعلیٰ پنجاب نے مزید کہا کہ اپوزیشن کی جانب سے قانون سازی کی مخالفت ’چور مچائے شور‘ کے مترادف ہے، اپوزیشن کو اب اپنا منفی رویہ ترک کردینا چاہیے۔

اُن کا کہنا تھا کہ ووٹنگ مشین سے پاکستان میں شفاف الیکشن کی راہ ہموار ہوگی، اوورسیز پاکستانیوں کو ووٹ کا حق دے کر حکومت نے وعدہ پورا کیا۔

مشترکہ اجلاس میں 2 دیرینہ مطالبات منظور ہوگئے، ایم کیو ایم

متحدہ قومی موومنٹ( ایم کیو ایم ) پاکستان نے کہا ہے کہ پارلیمنٹ کے مشترکا اجلاس میں 2 دیرینہ مطالبات منظور کرلیے گئے۔

عثمان بزدار نے یہ بھی کہا کہ پی ڈی ایم میں شامل جماعتوں کے لوگ بصیرت سے عاری ہیں، مفاد پرست ٹولے کو عوام کی کوئی پرواہ نہیں۔