فرمان الہی
نماز کے اوقات
قومی کرکٹ ٹیم کے فاسٹ بالر حسن علی نے ٹی ٹوئنٹی سیریز جیتنے کے بعد بنگلادیشی شائقین کا شکریہ ادا کیا‘۔
مائیکرو بلاگنگ سائٹ ٹوئٹر پر حسن علی نے بنگلادیش کے خلاف ٹی ٹوئنٹی سیریز جیتنے پر قومی ٹیم کی ویننگ سیلفی شیئر کی۔
حسن علی نے اپنے ٹوئٹ میں لکھا کہ ’الحمداللّہ ہم نے 3-0 سے سیریز جیت لی، تمام لڑکوں کی جانب سے بہترین کھیل کا مظاہرہ کیا گیا۔‘
فاسٹ بولر نے لکھا کہ ’انشاءاللّہ! ہم آگے بھی شاندار پرفارم کریں گے۔‘
اُنہوں نے پاکستان شائقین سے مخاطب ہوتے ہوئے کہا کہ ’آپ سب کا شکریہ اس تعاون کے لیے، جس کی ہمیں ہمیشہ ضرورت ہوتی ہے۔‘
حسن علی نے بنگلادیش کے شائقینِ کرکٹ کے لیے لکھا کہ ’بنگلادیش میں موجود مداحوں کا ان کی خوشی، محبت اور احترام کے لیے خصوصی شکریہ۔‘
واضح رہے کہ پاکستان نے آخری ٹی ٹوئنٹی میچ میں سنسنی خیز مقابلے کے بعد بنگلادیش کو شکست دے کر حریف کو سیریز میں وائٹ واش کردیا۔
میچ میں عمدہ کارکردگی پر حیدر علی کو پلیئر آف دی میچ جبکہ محمد رضوان کو پلیئر آف دی سیریز قرار دیا گیا۔
