بولرز کی اچھی کارکردگی کا ثمر ٹیم کی کامیابی کی صورت میں ملے گا، حسن علی

پاکستانی فاسٹ بولر حسن علی نے کہا ہے کہ بولرز کی اچھی کارکردگی کا ثمر ٹیم کی کامیابی کی صورت میں ملے گا۔

بنگلادیش کے خلاف پہلے ٹیسٹ میچ کی پہلی اننگز میں حسن علی نے شاندار پرفارمنس دیتے ہوئے 5 وکٹیں لیں۔ 

اس حوالے سے ان کا کہنا تھا کہ پہلی اننگز میں 5 وکٹیں حاصل کرنے پر بہت خوشی ہے۔ 

انہوں نے کہا کہ جیسی بھی کنڈیشنز ہوں دن کے آغاز میں ہمیشہ بولرز کو مدد ملتی ہے۔

حسن علی کا عمران خان جیسا ریکارڈ

قومی کرکٹ ٹیم کے فاسٹ بولر حسن علی نے بنگلادیش کے خلاف ٹیسٹ میچ میں 5 وکٹیں لیکر کلینڈر ایئرر میں 5 بار 5 وکٹیں لینے والے سابق لیجنڈری کرکٹر عمران خان جیسا ریکارڈ بنالیا۔

حسن کا کہنا تھا کہ پچ سلو ہے اور یہ فاسٹ بولرز کے لیے آسان نہیں ہے۔ 

انہوں نے کہا کہ رواں سال ہمارے فاسٹ بولرز نے ٹیسٹ کرکٹ میں زبردست بولنگ کی۔

ان کا کہنا تھا کہ بولرز کی اچھی کارکردگی کا ثمر ٹیم کی کامیابی کی صورت میں ملے گا۔